пятница, 29 августа 2008 г.

Конибодом: Арзиши баромади раиси шахр 10 сомонй?

Ё чй тавр иди забонро дар Конибодом ду маротиба тачлил гирифтанд

Аз поварақҳои таърих


Ин навишта гарчанд дертар руйи сафҳа мерезад, аз хонандаи арчманд хоҳиш мекунем, ки тоқат карда ба мутолиа пардозанд.
Конибодом, Канди бодом, ки дар гузашта ва алъон низ хеле мардуми ба ору номус ва ҳуввияти баланди миллидошта арзёбй мегарданд, аз номи таърихии ин шаҳр ва паҳнои он равшан аст, ки чй гуна халқияте дар ин марз умр ба сар мебарад. Намунаи барчастаи ин гуфтор, моро ба таърихи соли 1925, ки Конибодом дар ҳайъати Узбекистон буд, мебарад. Конибодомиён аз ин табартақсим норизогии хешро мардона баён дошта буданд. Пеши роҳи яке аз саркашони сотсиализм-Калининро доштанд. Аз у қотеона талаб карданд, ки ин ноҳияи точиконро алоҳида ва ё ҳадди ақалл ноҳияи мустақил эълон кунанд. Вагарна шуриши бемисл мебардорнад. Хамин тавр ҳам шуд, Калинин ин талаботи тазоҳургаронро ба Кремл бурд ва филфавр расман қарор «Дар бораи ноҳияи мустақил дар ҳайъати Узбекистон»-ро Маскаву Тошканд ба тасвиб расониданд. Конибодом ноҳияи мустақил дар ҳайъати Узбекистон эълон шуд. Ачибии кор ва ҳуввияти миллии ин марз дар он аст, ки ноҳияи Конибодом то соли 1929 дорои Вазорати корҳои хоричй буд. Инак қиссачаи кутоҳакро ба охир расонида, мегузарем ба асли мақсад.

Канй забони додом?


Бар замми он ки дар бозору хиёбонҳои Конибодом тараннуму тарғиби фарҳанги туркй бо фуруши фитаву кинофилмҳои ғайриточик ба дарачаи кулминатсия расидааст, дар дуконҳои рузномафурушй бошад маҳсулоти чопии узбакистонй чойгоҳи матбуоти даврии Точикистонро хеле танг кардааст. Аз ҳама муҳим се-чаҳор шабакаи телевизиони Узбекистон дар Конибодом то чое фаъол аст, ки ҳатто аҳолии точики ин ноҳия бо майли том аз намоишномаҳои узбекй бо майли том дидан мекунанд. Дар бозорҳои фитафурушй ба чуз Севинчу Юлдузу Озодаву Илҳому садҳо ситораҳои эстрадаи Узбекистон аз ситораҳои эстрадаи точик касе харидорй намекунад. Намедонам, шуъбаи идеологияи ин ноҳия бо чй кор машғул аст. Аз ҳама муҳим бахши Бунёди забони точикй амал мекунад ё не, раиси ин бахш кист, касе намедонад. Агар Бахши бунёди забони точикй дар ин ноҳия фаъол бошад, пас чаро ба ин коргузорй аз паси панчара менигарад?

Ид бар ивази 10 сомонй

Ин ҳам дарди ба хайр. Аз ҳукумати шаҳри Конибодом санаи 21 июли соли равон ба таври дастчин таклифномаҳо ба аҳли зиёву забонишоносону фаъолони маҳаллаву дигару дигар равона гардид. Яъне дар таклифнома зимнан навишта шуда буд, ки «Шуморо соати 18:00 ба театри ба номи Туҳфа Фозилова баҳри тачлили Иди забон даъват менамоем». Баъзеи дигар ба чойи ин таклифнома бо телефон даъват шуданд. ҳамин тавр, хонандаи азиз хулоса барор, ки ба ин тантана кй меравад. Бизнесмену муҳочирони меҳнатии Русиё намераванд. Дуредгарону роҳсозон вақт надоранд, ки ба ин гуна тантанаҳо раванд. ҳатман аҳли зиё, муаллимони пешсафу забоншиносон, нафарони рушанфикр, шоирону нависандагону рузноманигорон ва ғайра чамъияте, ки бо маош (!) зиндагй мекунанд, ширкат меварзанд.
Дар театри ба номи Т.Фозилова, ки намоиши саҳнавй аз руйи асари Муҳиддин Хочазод омода шуда буд, ба ин хотир масъулини театр аз даъватшудагон 10 сомонй талаб карданд. Нафарони таклифшуда, изҳори норизогй ва таҳайюр мекарданд, ки чаро 10 сомонй? Масъулини театр бошанд, «мо меҳнат карда намоиши саҳнавй тайёр кардаем»-гуён ба чону ҳоли ҳозирин намонда 10 сомонии гуфтагиашонро ситониданд. Дигар чй илоч? Нафароне, ки пул доштанд, даромаданд, баъзеҳо қарз гирифта чипта хариданд, баъзеи дигар, ки мачоли ҳатто қарзгирй надоштанд, ба қафо баргаштанд.
ҳамин тавр, дар толори нимхолй тачлили Иди забони точикй оғоз ёфт. ҳозирин дар ивази 10 сомонй ҳам баромади раиси шаҳр Шамсиддинов ҳилолиддинро гуш карданд ва ҳам намоиши театрикунонида шудаи корманди театрро. Ачиб, иқтисоди бозаргонияш ҳамин будагист-да?! Бояд ёдовар шуд, ки дар тантана намояндаи ҳукумати вилояти Суғд низ, номаи табрикотии раиси вилоятро қироат кард. Чун аъанаи шуравй тачлили Иди забон бо «шукуҳу шаҳомати хос» хотима ёфт.
Хонандаи азиз, гумон накунед, ки бо ҳамин Иди забон тамом шуд. Ба як борагй рузи 26 июл чун барфи тобистонй боз бо таври дастчин барқия равон шуд, ки боз тачлили Иди забон дар туйхонаи «Шаббода»! Ин дафъа соати 16:00. Аз ҳама ачиб соати 17:00 бояд, ки дар туйхона туйи арусу домодие барпо мешуд. Муовини раиси шаҳр Замира Ашурматова бо тантана эълом дошт, ки «Идомаи тачлили Иди забон». Лекин ин дафъа тачлил каме фарқ дошт. Даъватшудагон бепул даромаданд. Боз номаи табрикотии раиси шаҳр, номаи шодбошии (ва ҳам такрории) раиси вилояти Суғд қироат гардид. Аз муҳим ва нуқтаи чолиб он буд, ки тантана бояд соати 16:00 оғоз меёфт. Аммо хонандаи азиз, урфу одатҳои точикиро медонед-ку. Агар туйро соати чор гуем, ҳатман чору ним ё панч сар мешавад. Ин тачлил низ ҳамин гуна ба худ ранг гирифт. Қариб соати 16:30 тачлили дуввумбории Иди забон оғоз ёфт. Дар беруни туйхона бошад аллакай мошинҳои пуфаковезони туйи аруси мунтазири он ки кай Иди забон хотима меёфта бошад. Домод қариб буд, ки аз чаҳл дасти арусро раҳо карда туйро «отменить» кунад. Шукро, ки ин фикр ба сараш назад.
Нуктаи афсуси ин навиштаро мехоҳам бо гилагузорие руйи ин коғаз резам. Ба назар чунин мерасад, ки сол то сол дар Конибодом тачлили Иди забон бенуру ранг мегардад. Ба вижа имсол, ки соли забони точикист, коҳишро ба дарачае расонид, ки БА ҲЕЧ КАС МАГУ-ст.

Як маконе диққати муаллифи ангораҳоро ба худ кашид. Дар долони таваллудхонаи марказии шаҳри Конибодом навиштае ба чашми кас бармехурад: «Соли бузургдошти забон ва 1150 солагии Рудакиро сазовор истиқбол мегирем». Ин аз ҳама вижагии сафари камина буд. Шояд кудакони навмилодро аз таваллудхона сар карда эҳтироми забонро омузонанд? Шояд. Аммо ин кудакон вақте, ки калон мешаванд, шояд ин шиорро дар фитабозори узбекиву тачлили Иди забон дар «Шаббода» барбод диҳанд? Худо накунад он рузро.

среда, 2 июля 2008 г.

АНЧУМАНИ МАГАСҲО

Дар бинои раёсати кумитаи ҳифзи муҳити зист ва хочагии чангали ноҳияи Конибодом анчумани чамъбасти семоҳаи аввали ҳизби муттаҳидаи пашшаву пашшача ва магасу магасчаҳои кулли вилоят шуда гузашт, ки дар он намояндаи созмони «Касалипахшкунй»-и пашшачаҳо, даҳ карат қаҳрамони меҳнати сироятй-зарароварй, Пири магасҳои вилоят ва узви конфедератсияи магасҳои дилбазани чаҳон Чулоқов Маймоқ ширкат варзид. Дар ин бора иттилоъ медиҳад очонсии беморипаҳнкунии «Ҳашарот.tj»

Анчуманро масъули бахши ноҳиявии ҳизби магасҳои Конибодом ифтитоҳ бахшида, риштаи суханро ба Пири пашшаҳои вилоят Чулоқи Маймоқ дод. Номбурда баъди накуҳишу сарзанишҳои зиёд ба қироати маърузаи зерин пардохт.

– Муҳтарам магасҳо ва магасчаҳо, пашшаҳо ва пашшачаҳо!!!
Сараввал мебахшед, ки мо (у худро дар назар дорад) каме дер кардем. Зеро аз бепарвофалакиву холабеғамии кормандони идораи хадамоти манзиливу рифоҳии ноҳияи Конибодом дар маркази шаҳр, дар ду тарафи кучаи Б.Мансуров (собиқ кучаи Советй) қариб якуним тонна партов хобидааст, ки ростй натавонистем, ки наҳории муфтро партофта биёем. Боз медонед, рафиқони муҳтарам, мо баъд аз наҳорй бо партови яктоннагй лабу лунчамонро ба даҳону бинии одамон пок мекунем, ки хидмати «салфетка»-ро ичро мекунад. Ба вижа, даҳону бинии кормандони идораи хочагии манзилию рифоҳии шаҳри Конибодом басо гуворо аст. (Аз толор: «Қанд занед раис-бобо, ачаб кардед, ин холабеғамҳоро!»)
Магасҳо, пашшаҳои азиз!
Рисолати мо, ки сироят ва гузаронидани касалиҳои зараровар аст, бояд бо ин касби пуршарафамон арвоҳи бобоёнамонро шод кунем. Медонед гузаштагони мо чи хел пашшаҳои фаъол буданд. Қариб 70 фисади мардуми аз дунё гузаштаи Конибодомро ҳамон бобоҳои мо ба он дунё гусел кардаанд. Яъне мо чи тавр ин корро ба сомон мерасонем? Нафарҳои масъули хочагии манзилию рифоҳии шаҳри Конибодом, ки ҳатто барои хоридани шикам вақт надоранд, ин қадар коҳиланд, ки партовҳоро саривақт тоза намекунанд. Мо ҳам аз ин фурсати қулай истифода бурда, ду поямонро ба обҳои лойқаи ду тарафи кучаҳои маркази шаҳр, кучаҳои Лоҳутй, Нефтяников, Ҳ.Ҳомидов маҳаллаҳои Бобокалонов, чамоатҳои Патару Тошлоқ ва ғайра минтақаҳои пур аз ифлосй тар карда, рост бурда ба бинии мардум мезанем, ана мебинед, ки кор ичро шудаасту рузе то даҳҳо нафарро ба он дунё бе виза гусел мекунем.(Хушҳолй дар толор, кафкубиҳои бепоён, ҳуштаккашй).
Рафиқон, ҳоло дар ин толор зиёда аз ним миллион иштирокчиён аз гирду атрофи вилоят ҳузур доранд, ки мо ду руз бор рейд мегузаронем. Карру фарри кормандони масъулини шаҳрдорй, санитариву эпидемолгй, хочагии манзидиву рифоҳй ва ғайра мансабчадорону галстукдаргулуҳоро бинед. Хушашон намеояд, ки ҳатто паҳлуро бинанд. Агар ягон нафари болой ояд, ҳатман кучаҳо тозаву озода, дарахтон сап-сафед, заминҳо руфта об задагй. Аммо ҳамин ҳам бошад танҳо роҳҳои марказй. Агар пушти биноҳоро меҳмонон бинанд, кор расво. Ана маҳз аз ҳамин ҳолат мо бояд моҳирона истифода барем.
Лекин баъзе мардуми Конибодом моро бо гандумчаҳои сурхаку баъзе заҳрчаҳои Хитой тарсониданй. Ин ҳеч гап нест, ҳарчанд, ки ҳазорҳо нафар аз мо талафоти чонй диданд. Мо бояд қасди эшонро аз дастандаркорон бигирем. Ҳар қадар пойҳоро ба ахлоту партовҳои гирду атрофи шаҳр тар карда, ба хуроку лабу лунчи ин мардум молиданамон зарур. (Ин замон сарвари магасҳо аз нушобае, ки аз чуйборҳои лойқадори бадбуйи ду тарафи маркази шаҳр тайёр карда шуда буду он аз ҳама аълосифат ва махсусан барои калонҳои пашшаҳо сохта шуда буд, як қулт нуши чон кард ва лабашро лесида бай-бай гуфт).
Муҳтарам ҳозирин, меҳмонони гиромиқадр! Ман шуморо бовар кунониданй ҳастам, ки партовҳои ноҳияи мо (яъне Конибодом) аз ҳама партовҳои аълосифатанд. Зеро, ин масъулин танҳо дар мошинҳои хидматй шиштану зиёфат ба зиёфат гаштанро медонанд. Дар бобати партову ахлотчойҳои Конибодом гап нест. Ба қарибй коршиносон-пашшаҳои олими Чин омада, ба партовгоҳҳои мо баҳои баланд дода рафтанд. Мо дар арсаи чаҳон аз чиҳати захираҳои партов хеле бой ҳастем ва бешубҳа чои аввалро ишғол мекунем. Дар назар аст, ки мамалкатҳои аз чиҳати партов қашшоқ аз чумла Амрикову Чопон, Малайзиёву Дубай ба шаҳри мо худи ҳамин сол зиёда аз ду миллиард пашшаҳои худро барои зист интиқол хоҳанд дод, ки ин ништонаи он аст, ки мо яке аз шаҳрҳои пешрафта (аз чиҳати ахлоту партов) ҳастем. (як пашшаи ланг аз қатори пеш тохта баромада сару руйи сарвари магасҳоро бусида, ба у як гулдастаи ахлотинро ҳадя кард, ки ин гулдастаро у аз партовгоҳи варзишгоҳи марказии шаҳр тайёр карда буд. Ва бояд гуфт, ки пас аз тачлили иди Навруз дар варзишгоҳи марказии шаҳри Конибодом қариб ду ҳафта ба паротовгоҳе табдил ёфт, ки илочи гуфтан нест).
Дар охири анчуман сарвари пашшачаҳои ноҳияи Конибодом ба фаъол-магасҳои имсола, ки бештар ба сару руйи мардум ду пойи партову ахлоту микроболудро зада, боиси оғози касалиҳо шуда буданд, туҳфаҳои хотиравй супорид. Алҳол, ки тафси ҳаво расида буд, сарвари магасҳо меҳмононро барои осоишгоҳу минтақаҳои курортй, ки аз партовгоҳҳои бузурги ноҳия иборат буда, барои пашшаҳо воқеан курорт маҳсуб меёфт, сари як пиёла чой даъват намуд. Бо ҳамин анчуман бо шиорҳои маъмулии ин ҳизб, яъне, «Зинда бод, ахлот!», «Одам бод барбод!» ба охир расид.
PS:
Муҳокимаи масъалаи мазкур дар кумитаҳои ноҳиявию шаҳрии ҳизби пашшаҳо идома дорад, ки дар шумораҳои оянда ахбореро бо кумаки хабаркашони махсусамон аз чараёни ин чаласот пешкашатон хоҳем кард.

Бай-бай, бачем айб аст. Аз корд то корд як қадам


Агар чунин қиммати ба авчи аълояш расад, ба вижа орд, ки аз хурокҳои рақами яки мардум ҳисоб мешавад, ба қатори исми хос даромада, на орд, балки Чаноб ё Господин ё худ Чалолатмаоб Орд шавад. Ва ҳатман он руз ин калимаро мардум аз муштоқиву ниёзмандй бо ҳарфи калон хоҳанд навишт. Ачаб не. Орд!!!

Иқтибос
".Нақши Идораи матлубот дар пешрафти иқтисодии кишвар басо муҳим ва назаррас аст".

Ин навиштачотро хонандаи азиз дар пештоқи идораҳои матлуботи вилояти Хатлон, Суғд, вилояти Мухтори куҳситони Бадахшон ва ҳатто дар пештоқу толорҳои мачлисии Идораи чумҳуриявии чамъияти матлубот дидаанд.Оре, президенти кишвар ҳақ аст. Ин иқтибос аз гуфтаи президент ҳаст. Нақши назаррас доштани Идораи матлуботи кишвар ба ҳама чун ду карат ду маълум аст. Аммо "Ришханд-Пресс" бо тамоми масъулият метавонад изҳор дорад, ки имруз бечораҳолтарин, очизтарин, нотавонтарин, ноуҳдабаротарин, бемасъулияттаррин ва бе. бе...тарин идора дар кишвар ҳамин идораи матлубот аст. Шояд кормандони ин идораи ба қавли худашон бо нуфуз "қандро ҳаким хураду калтакро ятим" гуфта, далел пеш оваранд. Воқеан, як андоза шояд, ки эшон ҳақ бошанд. Зеро чаллобони ғаллаву гандум дар қимат шудан ва ба нархи абр баробар шудани Орд (минбаъд бо ҳарфи калон, чунки ҳар чизе, ки қиматаш афзун ва нодир шавад, ба қатори калимаҳои исми хос медарояд. Ва забоншиносону грамматикони чумҳуриро зарур аст, ки минбаъд Ордро ба исми хос дароранд ва дар сурати чунин коргузорй Орд ҳатман бо ҳарфи калон навишта шавад) чавобгар ва сабаби асосй бошанд. Шояд ин Идораи боз як бори дигар "бонуфуз" далел аз он оранд, ки дучанд шудани нархи бочи гумрукй ва чандин ҳуччатҳое, ки тибқи он ҳатто чонро низ бо андоз ба чаббор супоридан зарур меояд, пеш оваранд. Ана гуфтем, ки бигзор эшон ҳақанд. Ана гуфтем, ки дар бозори чумҳурй зиёда аз 99,9 фисад молу маноли кишварҳои ғайр фурухта мешавад, аз ин хотир қиматшавии анвои хурокй руз то руз ба осмон дакка мехурад. Ана гуфтем, ки кишвари мо "истеҳсолот" гуфтани калимаро ба худ фарзанди угай медонаду пули миллй қурби худро нигоҳ дошта наметавонад, аз ин лиҳоз ба ҳар боре, ки маош меафзояд, қурби асъори миллй ба замин яксон шуда, нархи навъҳои хурокаву пушокй ба арш ҳамгардан мешавад. Аз чумла Орд (!) низ. Ана гуфтем, мана гуфтем ва боз "ана"-ҳои зиёду баризофй.Иқтисоддонҳо бар онанд, ки аз ҳама нуқтаи қиматтарин дар собиқ Иттиҳод Шуравй (бо хондани ин ибора дили ҳазорон одамон гум мезанад, наход нархи як лингаи Орди 70 килогй 13 суми лениндор бошад гуфта бовариашон намеояд ва баъзеҳо давраи Брежневро давраи биҳиштйи мехонанд) ин чумҳурии биҳиштосоямон - Точикистон аст.Соли гузашта маоши кормандони соҳаи ичтимоиро 15 то 40 фисад бардоштем, нархи сабилмондаи бозор бошад, ба қавли ба чанги Олмон рафтаҳо "афтаматически" 40 то 80 фисад қимат шуд. Боз аз июли соли равон сар карда маоши кормандони соҳаи ичтимой ба 50 фисад гардан боло кард. Ва "умед" аст, ки боз нархи бозор 100-150 фисад боло меравад. Дар ҳар семоҳа маошро баланд бардоштан мегирем, қурби пул паст рафта анвоъи хурокаву дигар масолеҳи ниёзи мардум то рафт ба осмон дакка мехурад. Пули миллиамон қурбашро дар бозор то рафт гум карда, ана баъд мебинем, ки ба ду линга пули пачоҳ сомонаи қоқиртак ду то буханкаи нон мехарем. Инфлятсия? Он рузро Худо нигоҳбон бошад. Ҳе-ъ аз даҳонат шамол барад-э.Бобо-Илёси 92-сола ҳар замон носашро ба чор тараф мисли чошма пуф мекунаду бо асабоният мегуяд:- Ба ман 150 сомонй нафақа зарур не бачам, бигзор нафақаи ман 10 сомонй бошад, агар ин матлуботчиён мард бошанд, нархи як халта ордро 30 сомонй кунанд, ман офарин хонам, аз худо ба ҳафт пушташон чаннатро талаб кунам. Ҳамин ҳам коргузорй шуд-у. Туф…,-носаш ба замин сурати ишқ мешавад.Дар дунё "танзими нарх" гуфтани истилоҳ аст. Дар ин бора бояд семинару машваратҳо, (ки бо кофе-брейку хурокҳои бо қувват ташкил мешаванд-ку) гузаронида ба кормандону каллачунбонҳои соҳаи савдо, идораи матлубот ва ғайра галстукбагарданҳои зиёд бояд фаҳмонид, ки ин хел калимаву истилоҳ ва роҳҳо ҳам ҳаст. Аммо афсус.
Бо баробари қимат шудани нархи масолеҳи ниёзи мардум, ба хусус Господин Орд, дуздиву авбошиву фиребу риё, найрангу дуруғ ва "ҳай-ҳай айб аст, бачем" гуфтанҳои кампиракон руз то руз зиёд мешаванд. Худо накунад, ки аз пушти як бурида нон мардум бо теғи корд ба ҳам мушту гиребон шаванд. Агар чунин нархгузори рузафзун боло равад бо ҳазор афсус метавон иброз дошт, ки чунин шуданаш аз эҳтимол дур нест.
«Значит» аз Орд то корд як қадами дигар мондааст.
Миш-миш ТАЙМС

Раҳми бародари кабирамон
17-уми сентябри соли 2007 дар Маскав форуми байнипорлумонии Русия ва Точикистон ба кор оғоз карда буд. Ҳайъатҳои порлумонии ду кишвар масъалаҳои марбут ба муносибатҳои байни ду давлатро мавриди баррасй қарор доданд. Мутаасифона дар музокироти байни ду давлат нархи орд дар бозори "Саховат"-у "Баркат" ва "Панчшанбе" баррасй нагардид-де.Агар чунин мешуд, нуран ало нур мешуд. Наход ин ҳолати мо бародари кабирамонро дар канор гузорад-а? Ақаллан раҳмашон меомадагист? А, чй гуфтед?

Агару магару в-агару
Ба иттилоъи Кумитаи давлатии омори Точикистон дар 8 моҳи охир 36 кишвари дуру наздики хоричи ба кишвар ба маблағи бештар аз ҳудуди 200 миллион доллари ИМА кумаки башардустона кардаанд. Агар дар иттилоъи Кумитаи давлатии омор гуфта мешуд, ки Точикистон танҳо барои кумак гирифтан усто аст, боз саҳеҳтар мешуд. Агар дар чаҳон рекорд барои гирифтани кумак пайдо мешуд, Точикистон чойи аввалро ишғол мекард. Ин гапи Ришханд тағо неву, агар аз кумитаи омор чунин мегуфтанд, чи мешуд-а?

Намоз дар Точикистон, дуо дар Амрико
Вазорати умури хоричии Иёлоти Муттаҳида мегуяд, дар як соли гузашта ҳукумати Точикистон назоратро ба фаъолияти ниҳодҳои мазҳабй шиддат дод ва Вазорати маорифи Точикистон пушидани ҳичобро дар макотиби оммавй манъ кард. Ҳамин акаи Буш ба ҳамин чизҳо ба корашон чизе? Мо масчидро мебандем ё донишчуёни ҳичобпушро аз дарс ғайриқонунй берун мекунем, ин кори мост. Онҳо ҳамаро бо оинаи демократияи худ дидан мехоҳанд. Ин чо ИМА не, ин чо Точикистон. Ҳар коре, ки хоҳем, ҳамонро мекунем. Фақат чойи он мондааст, ки намозро дар Точикистон хонему дуояш жар Вашинтон шавад.

Точикистону Қазоқистон «ЗАГС» шуданд
Точикистон ва Қазоқистон дар мавриди таъсиси як бунёди сармоягузорй бо маблағи 100 миллион доллар мувофиқа кардаанд. Яъне чун арусу домод ба ҳуччати ақди «никоҳ» имзо монданд. Фаҳмидед, ҳо бале, қурбони аҳли фаҳм шавем.Гуфта мешавад, ин бунёд ба манзури сармоягузорй ба тарҳҳои энержй ва кишоварзии Точикистон таъсис шуда ва 80 дарсади он саҳми чониби Қазоқистон хоҳад буд. Тибқи қонунҳои чорияи Чумҳурии Точикистон на кам аз 51 фисад саҳмия чониби Точикистон бошад, аммо ба хотири бештар овардани орд аз Қазоқистон мо мачбурем, ки ба ин саҳмия розй шавем. Вагарна гандум неву, ҷаноби Олй муҳтарам Гандум-ако мегуем. Розй нашавему бинем, нархи орд ба 200 сомонй дакка хурда, порлумони кишвар мачбур мешуд қонун дар бораи "Кам хурдан"-ро ба тасвиб расонад. Ё оҳиста-оҳиста ҳамин хел мешуда бошад? Як бор каллая зонуба монда «уй» кунед-чй.

Ихтилофи аломатҳои роҳ

Озмун бори аввал дар Ришханд-Пресс
Дар яке аз ноҳияҳои вилояти Суғд, дар чорраҳае чор аломати «Роҳи асоси» гузоштаанд. Аммо ачибтар аз ҳама он аст, ки дар болои чароғаки раҳнамо ду аломати хилофи якдигар: аломати роҳи асоси (главная дорога) ва аломати ба қавле, «роҳи дуюм»-ро дар як чо гузоштаанд. Яъне, дунёи муросо: ҳисобатро ёбу гузар! Ҳар ки инро ёбад, ба у чоизаи «Молодес дарачаи 1» дода мешавад. Чоизаи мазкур дар ҳузури журналистони ватаниву хоричи ва кормандони БДА-и кулли вилоят супорида мешавад.
Наход
Зимни пахши як изҳорот узви раёсати Ассосиатсияи дифоъ аз ҳуқуқи ронандагон иброз доштаанд, ки агар масъулини аломатгузори дар роҳҳо чунин беаҳамият бошанд ва дар ҳар чои даркориву нодаркори аломатҳои роҳро бемантиқ гузоранд, хавфи зиёди «каллачанг»-у «бусобуси»-и мошинҳо пайдо мегардад. Аз ин ру зарур аст, аломатҳои лозимию нолозими аз роҳҳо бардошта бишаванд. Масъулин таъкид намудаанд, ки дар ҳоли ичро нашудани талабашон гуруснанишии бардавом эълон хоҳанд кард. Дар ин бора ба «Ришханд-пресс» аз хадамоти матбуоти Ассосатсияи дифоъ аз ҳуқуқи ронандагон итиллоъ додаанд.
Ин изҳорти ассотсиатсияи мазкур чанд созмони байналхалқиро нигарон кардааст. Аз чумла созмони байналмиллалии низоъшиноси, масъулини Ассотсиатсияи дифоъ аз ҳуқуқи ронандаҳоро даъват намудааст, сабукандеш набошанд ва таҳаммул бикунанд.
Ҳамзамон дар ин бобат созмони «Муаррихони чавон» ибрози андеша намуда, гуфтаанд, ки бояд сабаби гузошта шудани ду аломати мухталиф дар як чо ва таърихчаи он омухта шавад. Он гоҳ метавон натичагири ва хулосабарори намуд. Вале то ҳол муайян нашудаааст, ки боиси дар як чо насб гардидани ду аломати якдигар чи бошад: як аломатро гузошта дуввумашро канда натавониста бошанд ё…
Ҳарчанд то ҳол ба созмонҳои низоъшиноси ва «Муаррихони чавон» сабаби аслии дар як чо насб гаштани ин аломатҳо дар якчо муайян нагаштааст, аммо ба Ришханд-тағо муяссар гашт, ки як шоҳиди кашмакаши аломатҳои роҳро ба гап дарорад, то у ба шарти ошкор нагаштани номаш, ба хонандагони «Ришханд-пресс» рухдодаро нақл намояд:
– …Аломати роҳи асоси, ки бояд мошинҳоро ба роҳи асоси раҳнамои мекарад, ногоҳ душман пайдо намуд. Душмани он қадар дур ҳам не, балки ҳамсояи наздикаш – аломати «Роҳ диҳед», («Уступите дорогу») ки бояд ронандаи мошинҳо тибқи «фармон»-и он ба мошинҳое, ки дар роҳи асоси қарор доранд, роҳ медод.
Асли воқеа чунин сурат гирифт: аломати роҳи асоси, дар як суҳбат анадак сархуш гашта, аввал аз баъзе кормандони БДА-ро гилаву чингила кард, ки ба у камтар эътибор медиҳанд, сониян дар бораи аломатҳои роҳ сухан гуфта, таъкид намуд, ки аломати «роҳи дуввум» пас аз соҳибистиқлол шудани Точикистон вазифаашро ба таври бояду шояд ичро намекунад.
– Вай он қадар мағрур шудааст, ки нулаш доимо дар осмону масъулиятро дуруст эҳсос намекунад.– гуфт у. – Аз ин сабаб вақтҳои охир бархе ронандагон ба будан ё набуданаш аҳамият надода, мошин меронанд. Агар чунин бошад пас будан ё набудани ман ҳеч аҳамият надорад….
Ин гапро ду-се аломати роҳ ба аломати «роҳи дуввум» расонидиданд. У сахт хафа шуду дар дил кина гирифт, ки ҳатман адаби аломати роҳи асосиро хоҳад дод. Баъд аз чанд рузи ин гуфтугузору ин воқеа, ногаҳон, аломати «роҳи дуввум» бо ҳамтабақҳои худ – аломатҳои роҳи «Пайроҳаи пиёдагузар» («Пешхондный переход»), «Истгоҳ манъ аст» («Остановка заперщена»), «Бачаҳо» («Дети») ба суи «Аломати роҳи асоси» шабехун заданд.
Ин дар ҳоле буд, ки «Аломати роҳи асоси» ҳамроҳи аломтаҳои дигари роҳ сари як пиёла чой чақ-чақ доштанд. Албатта аз ҳучуми ногаҳони онҳо аввал хеле тарсиданд. Вале якбора хунашон чушиду онҳо ҳам ба по хестанд дар натича чанчоли калон хест, 36 аломати роҳ корношоям, 72 захми, (ҳамон аломатҳои роҳ, ки имруз дар баъзе кучаҳо качу килеб меистанд, аз таъсири ҳамон чанг аст) 11 аломати роҳ бинобар таъмин набудани амнияташон, минтақаро тарк ва мақоми гурезаро гирифтанд…Лекин бо вучуди ин аломатҳо ба қароре наомаданд, ки «мансаб»-и рохи асосиро кадоме аз онҳо бигирад. Пас мутассаддиён низ мачбур шуданд, ки ҳарду аломатро дар як чо гузоранд ва бо ҳамин аз чанчол халос шуданд. Аммо то имруз ронандагон сарсону ҳайронанд, ки ҳангоми ҳаракат дар ин минтақа ба «фармон»-и кадом аломат гуш кунанд.
P. S.
Мо ин чо махсус номи ноҳияеро, ки дар он чо чунин аломатҳои роҳ гузошта шудаанд таъкид накардем. Гап соҳибашро меёбад. Бигзор кормандони БДА-и ин ноҳия огоҳ бошанд, ки аз бемасъулиятиву бепарвои онҳо ронандагон сарсонанд… Ин ҳам мисли як чистонест барои кормандони БДА, ки бояд ба он мийя об карда посух биёбанд: кадом аломати роҳ дар ин сурат дуруст гузошта шудааст? Ку бубинем ба ин ки чи гуна посух мегуфта бошанд.

Ба диққати хонандагон.
Ҳеч кас ин ноҳияро наёфт. Ба ин хотир туҳфа ба худи Ришханд-тағо ва дастёри он кас Чамшеди Каёнй супорида мешавад. Номи ин ноҳия СПИТАМЕН аст.

Хоҳ бовар кунед, хоҳ не. Арнолд Швартснеггер дар роҳҳои Мастчоҳ


(мусоҳиба- фелетон)


Ҳунарпешаи машҳури Ҳолливуд, губернатори иёлоти Калифорниёи Амрико чаноби Арнолд Швартснегр бе ягон ҳамҳамаю тантана ва шавку дабдаба, чуни тарошаи аз бом афтода ва борони аз осмони беабр борида, ба чамоати Мастчоҳи ноҳияи Мастчоҳи вилояти Суғди Точикистон ташриф овард.


Хабарнигори "Ришханд-пресс" аз ин ташрифи ғайрирасмии меҳмони олиқадр воқиф гардида, чаноби Мастчоҳ аспи ҳама давонд ва худро аз Хучанд то он чо баъди чаҳор соат расонд. Субҳи душанбе ҳунарпешаи номварро тоқи бар сар дар ягона автобуси тастаки зардаки пуродам дарёфт, ки базур рост истода, бо мухлисони мусофираш суҳбат мекард.
Ҳар замон дар чуқуриҳои чун чоҳчаҳои роҳи чамоати Мастчоҳ бархурдани чархҳои мусофирбар саропой вучуди таҳамтанонаи Арнолд-акоро меларзонд ва риштаи суҳбатро меканонд. Азбаски суръати мошин дар ин роҳ аз сангпушт каме пасттар ва аз хорпуштак каме баландтар буд, мо вақтро лоиқ ва вақтро мувофиқ дониста суҳбате бо ин чаноби амрикои ташкил кардем, ки бори аввал ва танҳо дар "Ришханд-пресс" ба табъ мерасад.

-Ако, э мебахшед, чаноби Арнолд, бигуед, ки ки чаро ба Мастчоҳ омадед, яъне барои чи, яъне мақсади сафаратон чист?


­- Шумо медонед, ки мардуми Колифорниё бори дуввум маро Губернатор интихоб карданд. Кори роҳбари ба иёлоти чанд маротиба аз Точикистон бузург осон набудааст. Варзиш он тараф истад, ҳатто чи тавре, ки шумоён мегуед, барои сархори вақт надорам. Бинобар ин аз меъёр зиёд фарбеҳ шудам ва барои лоғаршави Мастчоҳро интихоб кардам.

-Барои чи Мастчоҳро? Магар дар Амрикои мутамаддин, ки табибони исавиҳуш, на одамикуш дорад, имкони лоғаршави набуд?


- Бовар кунед, тамоми воситаҳоро истифода бурдам, доруҳои бисёре хурдам, аммо натича-нол! Посухта лаби об медавад гуфтаги барин ба воситаи ёру дустонам аз умури марказии разведка, яъне СРУ МАстчоҳро ёфтам. Онҳо ба ман иттилоъ доданд, ки роҳҳои ноҳия хеле харобу валангор ҳастанд, махсусан роҳи байни майдончаи Комсомол (воқеан, масъулони чамоат маҳбубиятро ба ин номи меросии шурави ҳеч кам накардаанд) ва чамоати Оббурдон, ки мардум имруз "учаскаи дуюм"-аш меноманд, хеле харобу валангор аст. Агар фил ҳам савори мошин рузе се-чаҳор бор аз ин роҳ гузар кунад си-чил кило хароб мешудааст.

-Хуб натичаҳо чи хел ако?


- Бад не. Рузи аввал аз Майдонча то чамоати Оббурдон сафар кардам ва панч килло лоғар шудам. Хостам бори саввум ҳам сафар кунам, аммо табиби шахсиам қатъиян зид баромад, хело фишори хунам аз меъёр балантар шуд. Инак, баъди ду руз ичозат дод боз сафари табобатиро идома диҳам.

-Лутфан ба кадом роҳбароне, ки ба ин сафаратон мусоидат кардаанд ташаккур гуфтани ҳастед?

- Қабл аз ҳама ба сарвари муҳтарами идораи нақлиёту роҳи вилояти Суғд чаноби Анвар Эгамбердиев сипос арза медорам, ки ду-се сол пеш ваъдаи обод кардани ин роҳро дода буданд, вале хушбахтона қавлашонро фаромуш карданд. Дуввум ба сарвари идораи роҳи Мастчоҳ дусти бисёр муҳтарами банда Юлдошбой Туйчиев миннатдории худро мерасонам, ки шербачаҳояшонро гоҳ-гоҳ ба ин роҳ мефиристанду ба чашми чуқурчаҳо хоку шағал мепошанд, ки баъди як-ду руз боз роҳ ба ҳолати аввалааш бармегардад. Илтимос ба ин ду шахси масъул салому пайёми бандаро ба воситаи "Ришханд-пресс" бирасонед. Ҳатман, вақте, ки ба Калифорниё меравам маро нахоҳанд шинохт. Зеро рекломҳои "поглотитель жира", ки дар мо ҳам хеле ривоч ёфтааст, дар пеши ин "табобат"-и роҳҳои куҳии шумоён ҳеч будааст. Беҳуда мардум миллионҳо маблағ сарф карда курсҳои табобатии харбшавиро мегузаранд, лекин натичаҳо чи тавре, ки бародарони руси мо мегуянд НОЛ. Бовари дорам, ки амрикоиҳои ин чойи "нодири табобати"-ро баъд аз харобшавии ман охурча хоҳанд кард ва бучаи Мастчоҳи куҳи дар оянда аз ҳисоби ҳамин намуди табобат хеле бой хоҳад шуд. Албатта саломи моро ба ин ду шахси мубтакири чунин табобат расонед.Хуб шудааст, чаноби Швартснеггер ичрои хоҳиши меҳмон барои мо вочиб аст.


P.S.

"Ришханд-Пресс"-ро ба чону ҳолаш намонда масъулини ноҳияи Б.Fафуров ба меҳмони даъват карданд. Аз ин хотир "ичобати даъват ҳукми вочиб аст", ки яке аз суннатҳои Паёмбар аст, аҳли эчоди "Ришханд-Пресс" тасимим гирифтанд, ки ҳафтаи оянда иншооллоҳ аспҳоро зин карда, ба яке аз минтақаҳои ноҳияи Б.Fафуров бе ҳош-ҳошу бе пош-пош ҳатман ба меҳмони хоҳанд рафт. Пазиро бошед, мизбонони ноҳияи Б.Fафуров!!!


Миш-миш таймс


Ҳей медавем-а!!!


Якшанбеи 20-уми май бо ташаббуси ниҳодҳои варзиш дар сартосари Точикистон ҳамчун Рузи дави милли шинохта шуда, бори 12-ум аст, даҳҳо ҳазор нафарро ба хиёбонҳо мекашонад, ки нафарони ин қадар солҳои тулони надавидаву шикамҳои дамида доштанд, ба машқи дав баромаданд. Ахиран олимони хушхаёли мо усули харобшавиро ёфтанд, ки ин низ як намуди об кардани равғанҳои зиёдати ва раҳо шудан аз фарбеҳист. Ана "поглотитель жира" дар кучо будааст. Марҳамат ба машқи дав!!!


Дорувории бепули бопул


Масъулони намояндагии созмони байнулмилалии пизишкии "Мерлин" дар Точикистон гуфтанд, ки ба далели пеш омадани мушкилоти моли ин созмон ночор шуд идомаи ичрои барнома ва тарҳҳояш дар ин кишварро мутаваққиф кунад. Дар ҳамин ҳол оқои Абрил, ҳамоҳангсози "Мерлин" дар Точикистон, таъкид кард, ки дар сурати пайдо кардани маблағ ва мусоидати кишварҳои кумакрасон имкони аз нав ба фаъолият пардохтани созмони "Мерлин" дар ин кишвар вучуд дорад. Аммо ин дар ҳолест, ки ташкилотҳои "Гумпомощь"-диҳандаи пизишки, ки ройгон дорувориро медиҳанду он ҳам аз чониби баъзе чаллобон пулаки тақсим карда мешавад. Бо рафтани ин ташкилот интизори меравад, ки боз дорувории бепул бопултар шавад.


Ура! Барқ меояд!


Аднон Қарабоев вазири умури хоричаи Қирғизистон баъд аз анчоми мулоқоташ бо Раиси чумҳурии Точикистон изҳор дошт, таъсиси Консорсиуми обу энержии кишварҳои Осиёи Маркази, ки аз суи Эмомали Раҳмон пешниҳод шудааст, ба манфиати ҳамаи кишварҳои минтақа мебошад. Лекин чаноби Аднон Қарабоев аз таҳти дил бояд фикр карда бошанд, ки мабодо Точикистон аз кишвари барқофари Қирғизистон пеш нагузарад. Эҳ кошки чунин мешуду зимистони дар пеш истода барқ ҳам доими мешуд.


Боз чанд точик таркида мемирад?


Бар асари инфичори минаи зидди нафар дар ноҳияи Панч, дар марзи Точикистон бо Афғонистон, як нафар сарбози неруҳои марзбони ба он дунё виза гирифт. Илёс Юлдошев, сарбози неруҳои марзбони, ки талош мекард, сухтори сарзада дар қамишзорро хомуш кунад, ба мина бархурда ва кушта шудааст. Ин дар ҳолест, ки ҳар сол бояд тибқи қонунҳои нонавиштаи масъулини қонунэчодкуни Узбакистон бояд, ки як точики шимоли Точикистон таркида бимирад. Чаноби Ислом Каримов, боз чанд тани точик таркида хоҳад мурд? Ин ба шумо рушан аст-ку?

понедельник, 30 июня 2008 г.

Мактуби наваскар

Салом модари ба чону дил баробарам!
Ту чй хел сиҳату саломат, зиқ нашуда кор карда гаштй? Аз ман пурсй ман нағз сиҳату саломат, пас аз дар «облава» дастгир шуданам, як моҳ ин чониб хидмат карда гаштаам. Ачоиб чое будааст ин чо, модарчон. чаҳор тараф куҳ, самин сахту осмон баланд. Болои санг рузи дароз мисли сангпушт хазида мегардию ҳалқат аз ташнагй қоқ мешавад. Ҳа, гуфтагй барин ҳозир ба ту як гап гуфта, саратро ба осмон мерасонам. Баъди як ҳафтаи хидмат ба ман унвон доданд: «Дух». Ачоиб унвоне будааст. Тамоми кори аз худат калон фармударо мекунию халос. Агар накунй «мурдй», то беҳуш шуданат мекубанд. Ман ҳам як-ду бор «канй чй мешуда бошад?» гуфта, кори фармудаи як «Дед»-ро накардам. Хоҳ бовар кун, хоҳ не очачон, бо қундуқи милтиқ ба сарам ҳашт бор зад. Аммо ба ман ҳеч чиз нашуд. Не, дуруғ нашавад. Аввал андак дард карду сонй камтаракак варам карду саҳлакак азоб дод, лекин зуд дардаш монд. Оча, мегуям ҳамин дуоҳои ту мустачоб шудагй барин-дия.

Ёд дорй, вақти ба ин чо омаданам ту маро «Сарат аз санг шавад, писарам» гуфта дуо карда будй. Ана инак, як моҳ боз «Дед»-ҳои ноинсоф ба сару гарданам лагад мезананд, вале то ҳол ягон чои сарам накафидааст.
Ростй гап модарчон, рузҳои аввали ба ин чо омаданам зиқ шудам. Болои сухта намакоб гуфтагй барин, ҳангоми тақсими либоси ҳарбй ба ман либоси куҳнаву дарида насибам гашт. Баъди тақсими либосҳо рост ба пеши командир рафта гуфтам:
-Рафиқ командир, ин либосҳои маро бинед, куҳнаву дарида, бар замми ин ношуставу чиркин. Охир ягон кас маро бо ин либосҳо бинад, ба ҳафт фарсах гурехта меравад-ку?
– Ҳеч гап не, – гуфт командир – либоси аскари ҳақиқй, фарзанди чоннисори ватан бояд ҳамин тур бошад. Душман, ки туро бо ин либос дид, боварам ҳаст ба даҳшат афтода, ба ҳафт фарсах не, балки ба даҳ фарсах гурехта меравад.
Аз ин суханони командир ҳайрон шуда мондам.
Вай бошад, гуё чизе ба хотираш расиду аз ман пурсид:
– Аз уҳдаи пухтупаз мебарой?
– Метавонам,- гуфтам.
– Масалан, чй пухта метавонй? – боз пурсид у.
– Пеш ба ин чо омаданам, як сол дар заводи асфалбарорй кор кардаам, аз уҳдаи пухтани асфалт мебароям.
– Ҳе. бефаҳм, боро гум-шав, – гуфт командир бочаҳл.
Ҳамин тавр оча аз рузҳои аввал муносибатам бо командир вайрон шуд. Аммо оча, ту зиқ нашава, ман боз як бало карда бо у муносибатамро нағз мекунам, бало ба пасаш… Очачон, рузе воқеаи ачиб руй дод . Боре ба назди мо ду-се журналист омаданд. Ба фикрам, барои хабаргирй. Кадоме гуфтааст, ки шароити наваскарон хуб нест. Ачибан-дия ҳамин мардум, охир корашон чй ба мо. Ҳарруз хелеб мехурем, хурок ҳа-а-ам оча….. Хайр қисса кутоҳ мо, наврасон, бо супориши командир ба муносибати ташрифи онон саф оростем, ва онҳо бо мо ҳамсуҳбат шуданд.
Яке аз журналистон нафареро, ки Сотиболдй ном дошт, пурсид:
– Ватан ба андешаи ту чист?
– Ватан – модари – ман гуфтбо овози баланд Сотиболдй.
– Дуруст,– гуфт командир.
Баъди ҳамон журналист аз ман пурсид, ки «калимаи Ватанро чй тур шарҳ медиҳй?»
Ман бе ҳеч дудилагй гуфтам,ки:
– Ватан модари Сотиболдй аст.
Командиру журналистон ба ман бо ҳайрат нигаристанд. Командир:
– Уй, бефаҳм, Ватан модари ту ҳам ҳаст, – гуфт.
Ман, ки хичолат кашида меистодам, баъди сухани командир андак шердил шуда гуфтам:
– Пас ману Сотиболдй бародарем?
Якбора ҳама хандиданд. Командир низ аз ханда рудакан шуда буд. Ман ҳам хандидам. Охир чй хел нахандам, вақте ки командир бори аввал ба суханҳои ман бо диққат гуш доду аз таҳти дил ханид. Вале, сарфаҳм нарафтам, ки онҳо барои чй хандиданд.Ман-ку ба онҳо хандидам, аммо онҳо чаро хандиданд?!
Баъди ин, очачон ба ман лақаб дода «Додари Сотиболдй» мегуфтагй шуданд. Лекин ман аз ин хафа не. Ҳа, гуфтагй барин, очачон ин гуфтаҳои маро кадом журналист сабт карда гирифта будааст. Мегуянд, ки ҳар руз аз радиои «Тироз» ин суҳбатро барои таъхушии одамон мешунавонанд. Маълум мешавад, ки ҳамон руз кадом як журналисти чаққон ин мусоҳибарол «запись» карда гирифтааст. Балоя ҳамин журналисто, қоил ман-е.Хайр, агар овози маро шунидан хоҳй, аз радиои «Тироз» ана ҳамонсуҳбатро гуш кун.
Айб намекунй оча, дар ҳамин чо гапро ба охир мерасонем. Чунки дигар қоғаз надорам,ки давоми гапро нависам. Бар замми ин, қаламро низ ба «прокат» гирифтаам. Дафъаи дигар агар қоғазу қалам ёбам, боз мактуби дурусттар хоҳам навишт.

Хайр очачон, то дидана. Ба ҳамаи шиносҳоям салом гуй .
Бо эҳтиром писарат Аскаралй

воскресенье, 29 июня 2008 г.

Ёдаш ба хайр бод!

Тибқи иттилои расонаҳои миш-миш таймс шуруъ аз оғози моҳи сентябри соли чорй лимити қувваи барқ сар мешудааст. Соли гузашта бошад мувофиқи шартномаи байнидавлатй Чумҳурии Туркманистон ба кишвари мо неруи барқ интиқол медод, вале бо сабабҳои номаълум «барқи ваъдагй» ба Точикистон наомад. Мардуми интизори барқи туркман боз ноумед гаштанду дар баъзе минтақаҳо лимити неруи барқ шадидтар чорй шуда буд.

Таъзия

Асосиатссияи ҳачвнигорони вилояти Суғд аз марги нобаҳангоми
Неруи Барқ,
(ки моҳи сентябр аниқтараш светмурак сар мешудааст) қаблан сахт андуҳгин буда, ба наздикону пайвандон ва куллй дустону ҳамкорони марҳум ҳамдардй баён мекунанд.


Барқро кй кушта буд?

Шуруъ аз шоми аввали моҳи ноябри соли чорй дар бархе манотиқи вилояти Суғд мавсими чиддитари ба истилоҳ «светкушй» шуруъ гардида буд. Аммо коршиносон иллати аслии дасти задани ниҳодҳои масъули давлатиро ба ин амал, дар он медонанд, ки Неруи Барқи аз суйи туркманҳо итиқолшавандаро террористон, аз чумла дастаи даҳшатафкани Усома бини Лодан дуздида, бо ҳадафҳои нопок истифода бурданй будаанд. Аммо мақомоти расмии Точикистон аз шарҳи комилтари нарасидани «барқи ваъдагии Туркманистон» то ба Точикистон худдорй намуда буданд. Ҳолдонҳо мегуянд, ки феълан Неруи Барқ аз чониби ИНТЕРПОЛ чуста мешавад.
Аммо дар ҳамин ҳол овозаҳое ҳастанд, ки гуё мардуми кишвар аз омадани барқи туркман умедҳои зиёд дошта будаанд. Аксари пирону кампиракони точик интизор будаанд, ки бо омадани «барқи ваъдагии Туркманистон» интиқоли Неруи Барқ ба мардум то 5-7 соат тулонитар хоҳад гашт, вале чунин нашуд. Баъзе таҳлигарони маҳмадоно тахмин мекунанд, ки гуё Узбакистон барои убури сарҳади ин давлат аз чониби Барқи Туркманиён монеа эчод кардаанд. Аммо ин гумон низ аз суйи Точикистон тасдиқ нагардидааст…

Нигоҳе ба гузашата

Неруи Барқ дар замони шуроҳо тавлид гардида, то замони соҳибистиқлолии кишвари точикон фаъолияти густурда дошт. Аксари мардуми точик то ҳол тавлид шудани Неруи Барқро як мучизаи бемисл медонанд ва аксари эшон «падар»-и онро Ленин ва Неруи Барқро «Чароғи иличй» медонанд. Мувофиқ ба маълумоти аз бойгониҳо дастрасшуда, Неруи Барқ нахуст ҳамчун манбаи рушуной, баъдтар, пас аз он ки аз чониби Ҳизби Кадбонуҳои Комунист қабул гардидани «Консепсия дар бораи ҳамчун манаби иловагии гармидиҳй истифода бурадани Неруи Барқ» дар байни мардум он ба таври густурдатар намуда, асосан барои тавлид гармй дар хидматй халқ буд.Хидматҳои шоистаи таҳсини номбурда борҳо бо ифтихорномаҳои ҳукуматҳои маҳаллй сарфароз гардидааст.

Дорандаи нишони сарисинагии «Барқи хизматнишондода», ордени «Молодетс» (дарачаи II ва I) медали «Сухтанй» буд. Ҳамчунин уро дар Бадахшон «Шаҳрванди ифтихорй»-и ин вилояти дурдаст мешинохтанд.

Соли 2006 Неруи Барқ дар озмуни «Барқи беҳтарин» иштирок намуд ва соҳиби шоҳчоиза гардид. Ин дар ҳоле буд, ки мардуми Точикистон ба нимкиловатт-соат зор буданд. Шояд аз ин лиҳоз бошад, ки ҳангоми гирфтани шоҳчоиза аз дасти собиқ Котиби генералии Созмони Миллали Муттаҳид (СММ) Кофе Аннан чашмонаш пур ашк гардиданд ва аз хурсандй чй гуфтанашро намедонист ва ваъда дод ки то охири соли 2009 тамоми Точикистонро бо неруи барқ таъмин хоҳад кард.
Ҳолдонҳо мегуянд, ки ҳангоме Неруи Барқ кушта мешуд, у аз дусташ Гази Табий хоҳиш намудааст, ки рисолати сузандагии вайро ичро намояд. Вале Газии Табий чй тасимим гирифтани хешро то ҳол ба касе зикр накардааст…